Бүген Түбән Камада район Советының һәм шәһәр Советының икенче сессиясе узды. Депутатлар үзләренең даими комиссияләре составын расладылар, шулай ук район һәм шәһәр бюджетларына тиешле үзгәрешләр керттеләр. V чакырылышка сайланган депутатларга таныклыклар тапшыру тантанасы булды.

Моннан тыш, шәһәр Советы депутатлар корпусы Түбән Каманың «Россия шәһәрләре союзы»нда катнашу мөмкинлеге турында фикер алышты. Сәяси булмаган иҗтимагый оешма җирле үзидарәгә алдынгы тәҗрибәләрне кертүгә юнәлдерелгән проектларны эшләү һәм гамәлгә ашыру белән шөгыльләнә, шәһәрләр үсешенең перспектив юнәлешләрен ачыклый, тәҗрибә уртаклашу өчен семинарлар һәм конференцияләр үткәрә.

Район Советы сессиясенең көн тәртибендә Прости авылы җирләренә кагылышлы ике мәсьәлә чагылдырылган иде.