«Безнең ишегалды» республика программасы буенча Кама Аланындагы 2/10 номерлы йорт территориясен төзекләндерү эшләре төгәлләнеп килә.

Шулай итеп, төзүчеләр машина йөрү юлын киңәйткәннәр, яңа тротуар юллары салганнар, өстәмә парковка урыннары җиһазландырганнар, яктырту баганалары һәм кече архитектура формалары куйганнар.

Нәни шәһәрлеләр өчен ишегалдында тулы бер уен комплексы – балалар мәйданчыгы, таган, теннис өстәле, комлык һәм «Панна футбол» уен мәйданчыгы оештырылган.

Идарәче компания көче белән ишегалдында төзекләндерү эшләре башкарылачак.