Эшмәкәрләр, волонтерлар, МХО сугышчыларының туганнары һәм якыннары, битараф булмаган түбәнкамалылар хәрбиләр өчен чираттагы гуманитар ярдәм партиясе җыйдылар. 20 тоннадан артык гуманитар йөк барлык юнәлешләргә - Курскидан Херсонга кадәр юл тотачак.

Фура адреслы посылкалар, төзелеш материаллары, автомобильләр өчен запас частьләр һәм тәгәрмәчләр, маскировка челтәрләре, эвакуация арбалары һәм көнкүрешне оештыру өчен предметлар белән тулган.

Шулай ук Түбән Камадан УАЗ, мотоцикл һәм генераторлар китәчәк, алар алгы сызыктагы сугышчыларга бик кирәк. "Бу игелекле эштә катнашуыгыз өчен барыгызга да зур рәхмәт! Безнең ярдәм сугышчыларга рухи көч һәм үз-үзләренә ышаныч бирә!" - дип билгеләп үтте Түбән Кама районы Башкарма комитеты җитәкчесе Радмир Беляев.