Түбән Камадан махсус хәрби операция зонасына чираттагы гуманитар ярдәм партиясен җибәрделәр.

Түбән Кама муниципаль районы башлыгы Рамил Муллин исеменә сугышчылардан хат килгән, алар хезмәт шартларын яхшырту өчен кирәкле әйберләр турында сорап язганнар.

«Без кирәкле материалларны битараф булмаган түбәнкамалылар белән бергә тиз арада җыйдык. Ярдәм составына фольгаланган изолоннар, блиндажлар төзү өчен материаллар, целлофан, рабица челтәре, генераторлар, алар өчен майлар һәм чылбырлы пычкылар керде», – дип уртаклашты гуманитар ярдәм формалаштыру буенча координатор Николай Колосов.

Барлык кирәкле әйберләр дә хәрби частька җибәрелде, һәм сугышчылар аларны уңайлырак шартлар тудыру өчен куллана алачак. «Мондый ярдәмгә ихтыяҗ бар, егетләребез дә үзләренә кирәкле әйберләргә заказ бирүләренә һәм оператив рәвештә җибәрүләренә шат булачак. Бу, һичшиксез, кайбер мәсьәләләрне хәл итәргә ярдәм итәчәк һәм безнең Җиңүне тизләтәчәк», – дип өстәде Николай Колосов.