Менделеев скверында балалар бакчаларында тәрбияләнүчеләр катнашында һөнәри юнәлеш бирү фестивале узды. 150 дән артык бала үзләрен химик, электрик һәм программист ролендә сынап карады: тәҗрибәләр үткәрде, электр чылбырларын җыйды, микроскоплар белән эшләде һәм вулкан «атылуын» күзәтте. Балалар бакчалары һәм экология-биология үзәге әзерләгән ун интерактив мәйданчык эшләде.

 Чараны СИБУРның «Яхшы эшләр формуласы» программасы ярдәмендә 45 нче балалар бакчасы оештырды. Биш ел дәвамында алып баручылар компаниянең махсус киемнәрендә эшләделәр, ә катнашучылар экспериментлар гына түгел, һөнәрләр һәм экология турында да белделәр. Барлык балалар да дипломнар һәм бүләкләр алды.