Татарстан Республикасы Түбән Кама муниципаль район Советы аппаратының   беркетмә-оештыру бүлеге  аппарат эшчәнлеген оештыра, Татарстан Республикасы “Түбән Кама муниципаль районы” берәмлеге территориясендә уздырылучы  чараларны оештыру  өчен җавап бирә.

Беркетмә-оештыру бүлеге түбәндәге эшләрне гамәлгә ашыра:

- Татарстан Республикасы “Түбән Кама муниципаль районы” берәмлеге  Башлыгы һәм  район Советы аппараты эшчәнлеген  оештыру ягыннан тәэмин итү;

- район Советы аппараты  структур бүлекчәләре һәм персонал белән идарә эшенең нәтиҗәлелеген арттыру юнәлешендәге чараларны оештыру;

- район Советы аппараты  структур бүлекчәләре эшен координацияләү;

-район Башлыгы уздырган киңәшмәләрне оештыру, беркетмә алып бару;

- район Советы аппараты  белән идарә итү эшен оештыру, штат расписаниесен көйләү эшендә катнашу,  идарә итү эшен методик яктан тәэмин итү һәм камилләштерү буенча норматив актлар әзерләү;

- район Советы аппараты  белән идарә итү эшен оештыру буенча  кертелгән тәкъдимнәр, норматив актлар, нигезләмәләр, күрсәтмәләр, методика проектларын, чаралар планын  район Башлыгына карау өчен кертү;

- район Советы аппараты  эшен планлаштыру, вәкаләтле затлар һәм аппарат бүлекчәләре тарафыннан  пландагы чаралар үтәлешен башкаруны контрольдә тоту;

- район Советы аппараты  стуктур бүлекчәләре  җитәкчеләренә идарү итү өлкәсен камилләштерүдә ярдәм күрсәтү;

- барлык дәрәҗәдәге хакимиятнең  вазифаи затлары  һәм вәкиллекле органнары депутатларын сайлау эшенә әзерлекне оештыру һәм алып бару;

-район Башлыгының  рәсми чараларын оештыру һәм уздыру;

- районның  предприятие, оешма, учреждение хезмәткәрләрен бүләкләүгә тәкъдим итү өчен материаллар әзерләү;  район Советы эшчәнлеген камилләштерү өлкәсендә социологик һәм башка тикшеренүләр үткәрү.