Түбәнкамалы Валерий Рыжаков Бөек Ватан сугышында Җиңүнең 80 еллыгына багышланган X Россия пенсионерлары спартакиадасында катнашты. Чарага илнең 78 төбәгеннән 750 дән артык өлкән буын спортчысы, шулай ук Белоруссия, Казахстан, Финляндия һәм Австралиядән кунаклар җыелды.

Дүрт көн дәвамында катнашучылар йөзү, җиңел атлетика, өстәл теннисы һәм башка дисциплиналарда көч сынаштылар. Ярышлар Төмәндә узды.

Татарстан җыелмасында чыгыш ясаган Валерий Рыжаков бик яхшы нәтиҗәләр күрсәтте һәм күп кенә дисциплиналарда унлыкка керде:

• Йөзү: 9 нчы урын;

• «Хезмәткә һәм оборонага әзер»: 10 нчы урын;

• Эстафета: команда составында 6 нчы урын