14 апрельдә Түбән Камада баскетбол мәктәбенең яңа сезонының сайлап алу этабы — СИБУРның «Яхшы эшләр формуласы» социаль инвестицияләр программасы кысаларында гамәлгә ашырыла торган спорт проекты өченче тапкыр үтте. Яшь спортчыларны #SIBURCAMP җәйге лагерына сайлап алдылар.

 «СИБУР Арена НК»да узган сайлап алу ярышларында 81 яшь спортчы – 12-13 яшьлек (2012-2013 елгы) 48 ир һәм 33 кыз бала катнашты. Катнашучыларның күпчелеге Түбән Камадан, берничә кеше Казан һәм Яр Чаллыдан иде.

 Катнашучылар физик әзерлек, тактик фикерләү һәм баскетбол уйнау күнекмәләрен күрсәттеләр.

 Яшь баскетболчыларны проектның өлкән тренерлары Андрей Волков һәм Наталья Ремчукова бәяләде. Проектның кураторы, узган елдагы кебек үк, Новосибирск өлкәсенең «Махсус олимпиада» җитәкчесе, Белоруссия һәм Россия җыелмаларының элеккеге тренеры Дмитрий Седов булды.

 “Түбән Кама безне шатландыра, Баскетбол мәктәбе ярдәмендә спорт белән шөгыльләнүче балалар саны елдан-ел арта һәм баскетболның дәрәҗәсе үсә. Яшь уенчылар бик кызыксыналар һәм сайлап алу конкурсында рәхәтләнеп катнашалар”, - дип уртаклашты “Баскетбол мәктәбе”нең өлкән тренеры Андрей Волков.

 Сайлап алу нәтиҗәләре буенча иң яхшы алты уенчы (3 егет һәм 3 кыз) #SIBURCAMPка юл тотачак, анда аларны профессионаллар белән күнегүләр, ярышлар, белем бирү программалары һәм танылган спортчылар белән очрашулар көтә. Тренерлар шулай ук квалификацияләрен күтәрә алачак — алар өчен лекцияләр, мастер-класслар һәм хезмәттәшләре белән тәҗрибә уртаклашу каралган.

 2025 елда сайлап алулар сигез шәһәрдә узачак: Дзержинск, Томск, Пермь, Түбән Кама, Нижневартовск, Воронеж, Тобольск һәм Благовещенск. Һәр төбәктә алтышар финалист сайлаячаклар – барлыгы лагерьга 48 яшь баскетболчы барачак. #SIBURCAMP җәйге сменасы 27 июньнән 11 июльгә кадәр Түбән Новгород өлкәсендә узачак.

 22 апрельдә Түбән Камада СИБУРның башка проектына — «Футбол мәктәбе»нә сайлап алу узачак. Ул «Чулман Арена» манежында (Тукай ур., 23А йорт) була. Яшь футболчылар шулай ук сайлап алуны уза һәм #SIBURCAMPка җәйге сменага бара алачак.

 Проектлар турында тулырак мәгълүмат сылтама буенча һәм «Вконтакте»дагы #SIBURCAMP берләшмәсендә урнаштырылган.