Җәй җитү һәм мотосезон ачылу белән шәһәрдә аварияләр үсеше теркәлә, бу хакимияттән һәм шәһәр халкыннан аерым игътибар таләп итә. Хәзерге вакытка булган мәгълүматларга караганда, районда мототранспорт катнашында 11 авария булган (узган елның шушы чорында — 9), аларда 5 кеше зыян күргән.

Шуңа бәйле рәвештә Дәүләт автоинспекциясе көчәйтелгән эш режимына күчте. Яшерен патрульләр һәм мобиль постларның профилактик эше җайга салынган.

Шулай ук мотоцикллардан төнге шау-шуга шикаятьләр күп булуы билгеләп үтелде. Төнге сәгать икедә торак йортларның тәрәзәләре төбендә «газовать итү» - күршеләргә карата ихтирамсызлык. Шәһәр башлыгы ассызыклаганча, шәһәр югары тизлектә төнге узышлар өчен түгел, ә барысы өчен дә уңайлы булсын өчен төзелә.

Мэр руль артындагы балигъ булмаганнар проблемасына аерым игътибар бирде. Ул ата-аналарга мөрәҗәгать итте, баланың куркынычсызлыгы – аларның шәхси җаваплылыгы, дип искәртте. Мопед яки мотоцикл белән идарә итү хокуксыз һәм шлемсыз 15 000 сумга кадәр штраф белән яный, ә идарә итүне яшүсмергә тапшырган өчен — 30 000 сумга кадәр.