Бөтен Татарстан педагоглары «СИБУРИНТЕХ-НК»да «Мәктәп мәгариф системасында табигый фәннәр һәм инженерлык практикалары: нияттән нәтиҗәгә кадәр» секцион утырышына җыелды. Ул мәгариф хезмәткәрләренең республика август киңәшмәсе кысаларында узды.

Утырышта 300 дән артык педагог – җитәкчеләр, методистлар, физика, химия һәм биология укытучылары катнашты. Пленар өлеш «Адымнар» гимназиясендә узды. Җыелучылар өчен мастер-класслар, ачык дәресләр һәм тематик лекцияләр үткәрелде.

Шулай ук педагогларга «Кванториум», Е.Н.Королев исемендәге политехника көллияте һәм СИБУР инженерлык компетенцияләре үзәге тәкъдим ителде.