Республика конкурсы нәтиҗәләре буенча Түбән Камадан өч педагог Татарстанның иң яхшы 36 укытучысы исемлегенә керде. Педагогик эшчәнлектәге казанышлары өчен алар 200 мең сум күләмендә премия алачак.

Фәнзилә Шәймөхәммәтова

 Җиңүчеләр арасында – рейтингта беренче урынны алган 32 нче гимназиянең технология укытучысы һәм сыйныф җитәкчесе Елена Гаранина. Шулай ук 27 нче мәктәпнең рус теле һәм әдәбияты укытучысы Нина Габбасованың һәм Бакый Урманче исемендәге 2 нче гимназиянең татар теле һәм әдәбияты укытучысы Фәнзилә Шәймөхәммәтованың хезмәтләре билгеләп үтелде.

Нина Габбасова

 Педагогларны лаеклы җиңүләре белән котлыйбыз һәм аларга киләчәктә дә һөнәри уңышлар телибез!