Татарстан Рәисе Рөстәм Миңнеханов һәм СИБУР генераль директоры Михаил Карисалов Түбән Камада эш сәфәрендә булдылар, биредә яңартылган «Түбән Кама Нефтехим» поликлиникасы ачылды. 

Модернизация предприятие инициативасы белән сәламәтлек саклауны үстерү программасы кысаларында үткәрелде. Яңа технологияләр һәм җиһазлар ярдәмендә биредә хәзер компания хезмәткәрләре, хезмәт ветераннары һәм 15 меңгә якын кеше медицина ярдәме ала.

Ике ел эшләү дәверендә поликлиника күп санлы тикшеренүләр һәм процедуралар үткәргән: 1,5 меңнән артык компьютер томограммасы, 3,5 меңгә якын маммография, дистәләгән мең утратавыш тикшерүләре һәм стоматологик консультацияләр.

Техник җиһазлауны яхшыртудан тыш, учреждениенең медицина штаты көчәйде - барлыгы ике йөзгә якын хезмәткәр эшли, шул исәптән төрле белгечлекләр буенча югары квалификацияле табиблар да. Бүген поликлиника көн саен 600 пациентка хезмәт күрсәтә ала.