Түбән Камада «ТАИФ-НК» компаниясенең хезмәт коллективы белән очрашу булды. Анда Түбән Кама мэры Радмир Беляев, РФ Дәүләт Думасы депутаты Айдар Метшин, республика ведомстволары вәкилләре һәм предприятие җитәкчеләре катнашты.

Катнашучылар компаниянең эш нәтиҗәләре, производствоны үстерү, инвестицион проектларны гамәлгә ашыру һәм киләчәк үсеш перспективалары турында фикер алыштылар. Эре сәнәгать предприятиеләре эшчәнлеге шәһәр һәм республика икътисады үсешендә мөһим роль уйный, дип билгеләп үтелде.

Район башлыгы Түбән Каманың үсеше, шәһәр проектларын гамәлгә ашыру һәм муниципалитетның сәнәгать предприятиеләре белән багланышлары турында сөйләде. Ул куркынычсызлык мәсьәләләренә, кадрлар әзерләүгә, социаль инфраструктураны үстерүгә һәм уңайлы шәһәр мохите булдыруга аерым игътибар бирде.

Айдар Метшин предприятиенең төбәк икътисады өчен әһәмиятен билгеләп үтте һәм коллективның шәһәр үсешенә керткән өлешен ассызыклады.

Очрашу хезмәткәрләрне бүләкләү белән тәмамланды, аларга ТР Рәисе инициативасы белән гамәлгә куелган Электрон мактау тактасына кертелү турында таныклыклар тапшырылды.