66 нчы гомуми үстерү төрендәге балалар бакчасында кышкы Паралимпия уеннары узды. Анда әлеге балалар бакчасында тәрбияләнүчеләр, шулай ук 29 нчы һәм 70 нче бакчалардагы сәламәтлек мөмкинлекләре чикләнгән балалар катнашты.

Башта балаларны олимпия аюы сәламләде, аннары күңелле стартлар башланды. Чара эстафетаны, бию флешмобын һәм бүләкләү тантанасын үз эченә алды. Дуслык җиңде, барлык катнашучылар да дипломнар һәм кубоклар алды.

66 нчы балалар бакчасы инвалид балаларның ата-аналары һәм опекуннары ассоциациясе белән тыгыз хезмәттәшлек итә, ә Паралимпия уеннарын уздыру – учреждениенең волонтерлык эшчәнлегенең бер юнәлеше. Планнарда - җәйге яхшылык марафоны, ”яхшы очрашулар” һәм җәйге Паралимпия уеннары.