Ел саен үткәрелә торган «ЭКОлидер» республика конкурсына гаризалар 2025 елның 1 сентябреннән 15 ноябренә кадәр электрон почта адресына (Eco.pros@tatar.ru) яисә Татарстан Экология һәм табигый байлыклар министрлыгына (Казан шәһәре, Павлюхин урамы, 75 нче йорт, 108 кабинет - экологик агарту һәм иҗтимагый оешмалар белән хезмәттәшлек бүлеге) адресы буенча кабул ителә.

Конкурс түбәндәге төркемнәр буенча уздырыла:

• Оешмалар һәм шәхси эшмәкәрләр

• Җирле үзидарә органнары 

• Экологик белем бирү 

• Педагогик тәҗрибә һәм инициативалар 

• Иҗтимагый берләшмәләр һәм гражданнар 

• ММЧ 

• Дәүләт контроле 

Җиңүчеләрне бүләкләү 2025 елның декабрендә булачак. Һәр номинация өчен тиешле призлар каралган, алар арасында дипломнар, кубоклар һәм акчалата бүләкләүләр бар. Конкурс нигезләмәсе белән тулырак түбәндәге сайтта танышырга була: https://eco.tatarstan.ru/2025-8618269.htm.