Татарстан Республикасы Президентының кадрлар резервы программасында катнашучылар Түбән Кама муниципаль районында эш сәфәрендә. Кичә алар хакимият йортында Түбән Кама мэры Айдар Метшин белән очрашты.

Сәфәр кысаларында кадрлар резервында катнашучылар «Ковер» яшьләр инициатива үзәгендә, «Танеко» АҖ сәнәгать мәйданчыгында, «Нижнекамск» сәнәгать паркында, «Пионер» индустриаль паркында, «Гаилә» шәһәр паркында, Кызыл Чишмәдәге экопаркта, Әхсән Фәтхетдинов музеенда булды һәм «Безнең ишегалды»программасын гамәлгә ашыру белән танышты.

Түбән Каманың төрле тармак җитәкчеләре яшьләргә үз вазыйфалары һәм ирешелгән нәтиҗәләре турында сөйләде.

Бүген катнашучылар Сухрау һәм Кама Аланында тәҗрибә туплаячак.