38 нче лицейда яшьләр арасында тискәре күренешләрне профилактикалау буенча муниципаль форум узды. Чара балигъ булмаганнарның асоциаль тотышын профилактикалау буенча муниципаль программа кысаларында узды һәм быел икенчесе булды – педагоглар өчен алдагы форум апрельдә узган иде.

Диалогта мәктәп директорлары, мәктәп психологлары һәм сыйныф җитәкчеләре катнашты. Чараның партнеры «Алдынгылар хәрәкәте» булды, аның кысаларында остазларны Түбән Камада бөтенроссия балалар һәм яшьләр хәрәкәтенең үсешенә керткән өлешләре өчен рәхмәт хатлары белән бүләкләделәр.

Мәгариф даирәсендә һәм Интернет челтәрендә террорчылыкка һәм экстремизмга мәгълүмати каршы тору илкүләм үзәгенең профилактика эше бүлеге башлыгы урынбасары Ксения Ноженко белән әңгәмә үзәк вакыйга булды. Эксперт белгечләрне мәктәп коридорларында яшүсмерләрнең үз-үзләрен тотышын карарга гына түгел, ә онлайн-мәйданчыкларда аларның активлыгын игътибар белән анализларга да чакырды.