Бүген,17 ноябрьдә, Моношәһәрләрне үстерү фонды 2019 елда моношәһәрләр эшчәнлегенә онлайн-форматта  йомгак ясады. 

Беренче унлыкка узган ел социаль-икътисадый үсештә югары дәрәҗәгә ирешкән шәһәрләр керде. Алар арасында Түбән Кама да бар.

Шулай ук Яр Чаллы, Тольятти, Первомайский, Губкин, Күмертау, Череповец, Костомукша, Невиномысск һәм Тутаев шәһәрләре -  иң яхшылар рәтендә.

Моношәһәрләр фонды генераль директоры Ирина Макеева Түбән Каманы уңышы белән котлады һәм нефть химиясе сәнәгате башкаласының инвесторларны җәлеп итү үзәге булуын билгеләп үтте.

"Түбән Камада 2019 елда моношәһәрдә яшәүчеләрнең икътисадый хәлгә мөнәсәбәте яхшырды һәм КУЭ өлкәсендә эшмәкәрлек активлыгы  артты", - дип билгеләп үтелә  моношәһәрләр сайтында.