Түбән Камада 7 нче бер мандатлы Чәбия сайлау округында дүртенче чакырылыш шәһәр Советы депутатын өстәмә сайлауга йомгак ясалды. Сайлауда катнашучылар саны 60 процент тәшкил итте.

Исегезгә төшерәбез, узган якшәмбедә сайлаулар алты сайлау участогында – 12 нче, 16 нчы мәктәпләрдә, 28 нче балалар бакчасында һәм Вахитов урамындагы 19 нчы йортта узды.

Тавыш бирү нәтиҗәләре буенча «Единая Россия» партиясеннән кандидат Владимир Гатунок барлык тавышларның 69,85%ын җыйды. «ЛДПР» вәкиле Владимир Сурчилов өчен - 16,01%, ә «КПРФ» кандидаты Николай Колосов өчен 13,56% тавыш бирелгән.