Түбән Каманың туган көнен бәйрәм итү кичен  яр буенда бәйрәм концерты белән дәвам итте.

Үзенең бәйрәм котлавын сәхнә түреннән Түбән Кама мэры Айдар Метшин җиткерде.

«Туган көнең белән, Түбән Кама! 55 яшьлек юбилеең белән, яраткан шәһәребез. Бүген безнең уртак бәйрәмебез -    кече ватаныбызга, яраткан шәһәребезгә мәхәббәт белдерү өчен тагын бер матур сәбәп.

Бүген мин һәрберегезгә, хөрмәтле беренче төзүчеләргә, хәзерге буынга, яраткан шәһәребезнең бүгенгесе һәм киләчәге алар кулында булачак һәркемгә рәхмәт сүзләре җиткерәм. Түбән Каманың алда перспективалары бик яхшы. Түбән Кама үзен чын күңелдән ярата һәм хөрмәт итә торган кешеләр ярдәмендә яши һәм үсә. Сәламәт һәм бәхетле булыгыз!» - дип котлады Айдар Метшин.