«Россиянең иң яхшы 100 товары» бөтенроссия конкурсының төбәк этабы булган «Татарстан Республикасының иң яхшы товарлары һәм хезмәтләре» конкурсының оештыру комитеты 2026 елның яңа сезоны башлануы турында игълан итте.

Катнашучылар үзләренең казанышларын алты номинациядә тәкъдим итә алачак:

· «Азык-төлек товарлары»

· «Халык өчен сәнәгать товарлары»

· «Җитештерү-техник билгеләнештәге продукция»

· «Халыкка хезмәт күрсәтү»

· «Җитештерү-техник билгеләнештәге хезмәтләр»

· «Халык һәм сәнгать кәсепләре эшләнмәләре»

Катнашуга гариза бирү өчен, 2026 елның 17 апреленә кадәр кирәкле документларны «Татарстан Республикасында Стандартлаштыру, метрология һәм сынаулар дәүләт региональ үзәге» федераль бюджет учреждениесе электрон почтасы аша җибәрергә (best@tatcsm.ru) яки (843) 233-18-13, 233-18-57 телефоннары буенча шалтыратырга кирәк. Шартлар һәм документлар исемлеге турында тулырак мәгълүмат түбәндәге сылтама буенча урнаштырылган: https://test.tatarstan.ru/bestoftatarstan.htm.