Чарага бөтен Татарстаннан төрле өлкәләрдән 300 дән артык эшмәкәр җыелды. Алар өчен җирле җитештерүчеләрдән күргәзмә, экспертлардан лекцияләр һәм бизнес-бурычларны эшкәртү буенча сессия әзерләделәр.

Форумны Түбән Кама районы башлыгы Радмир Беляев ачып җибәрде: "Форумның төп максаты – танышу, яңа партнерлар табу һәм тәҗрибә уртаклашу. Хәтта мин үзем өчен күргәзмәдә күп яңалыклар ачтым. Без актив булырга һәм җирле җитештерүчеләргә ярдәм итәргә тиеш. Биш елдан Түбән Каманың нефть химиясе генә түгел, кече һәм урта эшмәкәрлек башкаласы да булуын теләр идем".


Район территориясендә инвестпроектларны гамәлгә ашыру нияте турындагы килешүләргә кул кую форумның мөһим вакыйгасы булды.