Түбән Камада унҗиденче тапкыр Спиридон Молодцов исемендәге республика конференциясе үтте. Фәнни-тикшеренү форумы җирле химия-технология институтында узды.

Спиридон Молодцов - Түбән Каманың 35 лицеенда эшләгән легендар  химия укытучысы. Укучылары аны искиткеч тирән белемле, таләпчән, намуслы, гадел кеше буларак искә ала. 

Быел Молодцов  конференциясенә 346 укучыдан  297 эш кабул ителгән. Форум кысаларында  фәнни-белем бирү программасы узды, ул конкурс комиссияләре алдында эшләрне яклауны, укытучы-тикшеренүченең фәнни-иҗади мирасы белән танышуны үз эченә алды.