Түбән Кама районында бөртеклеләрнең 94 проценты җыеп алынган. Игенчеләр урып-җыюны бу атнада төгәлләргә исәплиләр.

Уңыш гектарына 33,4 центнер тәшкил итә (республика буенча – 30 ц/га). Гектарына 40 центнердан артыграк уңыш җыючы хуҗалыклар да бар.

Бу сезонның соңгы   күчмә кубогы һәм акчалата премиягә «Орсис Агро»дан Илгиз Рәхимов лаек булды.

Аграрийлар шулай ук шикәр чөгендере (аны Зәй комбинатына тапшыралар), бәрәңге, рапс һ. б. уңышны җыеп алуга да керештеләр.

Терлекләрне кышлату өчен азык әзерләү дә бара. Хәзер бер баш шартлы терлеккә 22 центнер азык әзерләнгән, бу күрсәткечне 30 центнерга   җиткерергә планлаштыралар.