Түбән Камада шәһәрнең 60 еллыгына багышланган 40 нчы традицион «Түбән Кама утызлыгы» чаңгы марафоны узды. Стартка Түбән Камадан һәм якын-тирә шәһәрләрдән 250 дән артык спортчы чыкты. Катнашучылар 5, 10, 20 һәм 30 км дистанцияләрне үттеләр, тамашачыларга якты хисләр һәм спорт бердәмлеге атмосферасын бүләк иттеләр. 

Катнашучыларга сәламләү сүзе белән ТР мәгариф һәм фән министры урынбасары Рамил Хәйруллин мөрәҗәгать итте. «Барыгызга да чаңгы юлында җиңеллек телим! Чаңгы юлы - ул бәхет, энергия һәм көч. Арагызда ветераннарның күп булуы сөендерә. Барыгызга да уңышлы узыш!» -  дип билгеләде ул. 

Һәр категориядә иң көчле чаңгычылар билгеләнде, аларга истәлекле бүләкләр тапшырылды.