5 декабрьдән 8 декабрьгә кадәр «СИБУР Арена НК» спорткомплексында билбау көрәше буенча РФ атказанган спорт мастеры Шамил Садриев истәлегенә багышланган бөтенроссия турниры узачак. Тантаналы ачылыш 6 декабрьдә 13:30 сәгатьтә була.

Ярышлар 2008-2010 елгы егетләр һәм кызлар арасында уза. Ел саен үткәрелә торган турнир гадәттәгечә Россия төбәкләреннән генә түгел, якын чит илләрдән дә 200 гә якын спортчыны җыячак.

Шамил Садриев – билбау көрәше буенча ике тапкыр дөнья чемпионы, Татарстан, Россия, Европа һәм дөнья чемпионатларында берничә тапкыр җиңүче. Ул Түбән Кама районында спорт көрәшләрен популярлаштыруга һәм үстерүне пропагандалауга бәяләп бетергесез өлеш керткән.