Бүген Түбән Кама районының Югары Чаллы авылында яңа блок-модульле котельныйларга газ җибәрү тантанасы узды. Бу объектлар иске, нык тузган җайланмаларны алыштырып, җирле мәктәпне һәм мәдәният йортын җылылык белән тәэмин итәчәк.

Газ тоташтыру программасын гамәлгә ашыру нәтиҗәсендә хәзер Кызыл Чапчак авыл җирлегенең барлык торак пунктлары да табигый газга ия. Авылны газ белән тәэмин итүгә тоташтыру өчен озынлыгы 400 метр чамасы булган яңа уртача басымлы газүткәргеч һәм озынлыгы 350 метр чамасы булган түбән басымлы газүткәргеч төзелә. Өстәмә рәвештә газ көйләгеч шкаф пункты урнаштырылган. Төзелешкә гомуми чыгымнар, республика һәм җирле бюджет акчаларын да кертеп, 11 млн сумнан артык тәшкил иткән.

Югары Чаллы авылында 600 дән артык кеше яши, алар арасында 50 дән артык укучы бар. Кызыл Чапчак авыл җирлеге башлыгы Багданур Илдарханов халыкның инфраструктураны үстерүдә актив катнашуын билгеләп үтте һәм район җитәкчелегенә һәм Татарстан Республикасы Хөкүмәтенә социаль инициативаларны хуплаулары өчен рәхмәт белдерде.