Түбән Кама «Вольные распевы» казак җыры ансамбле Мәскәүдә Раштуа укулары кысаларында узган «Церковь и казачество: соработничество на благо Отечества» халыкара фәнни-гамәли конференциясендә катнашты.

«Вольные распевы» пленар утырышта чыгыш ясады һәм коллективның казак мәдәнияте традицияләрен саклауга керткән өлеше өчен чараны оештыручыларның югары бәясен алды. Ансамбль җитәкчесе Ольга Вәлиуллина һәм Түбән Кама Халыклар дуслыгы йорты директоры Васил Хафизов казаклык белән хезмәттәшлек итү буенча Синодаль комитет җитәкчесе Ставрополь һәм Невинномысский митрополиты Кириллның Рәхмәт хатлары белән бүләкләнделәр.