Түбән Кама китапханә фонды яңа китаплар белән тулыланды. Аларны KAMA TYRES шин комплексы хезмәткәрләре «Мәхәббәт белән китаплар бүләк итегез» гомумроссия акциясе кысаларында тапшырды.

Узган атнадан башлап, шинниклар көн саен предприятия китапханәсенә китаплар алып килделәр, аннары басмаларны шәһәрнең китапханә системасына тапшырдылар. Китаплар арасында энциклопедияләр, тарихи романнар, әкиятләр, детективлар, төрле нәфис әсәрләр бар.

«Корпоратив ММЧда китапханә фонды өчен китаплар җыю турында белдерүләр урнаштырылган. Безнең пенсионерлар акциядә актив рәвештә катнаштылар. 3-4 көн эчендә 200дән артык экземпляр китерелде», – дип уртаклашты KAMA TYRES Берләшкән ветераннар советы рәисе Тамара Одинцова.

Экземплярларны сак кына төяп, Габдулла Тукай исемендәге үзәк китапханәгә алып килделәр. «Мәхәббәт белән китаплар бүләк итегез» акциясе инде 8 ел рәттән уза. Һәм Шинниклар анда ел саен катнашалар. Хәзер җыелган барлык китаплар китапханә фонды буенча таратылачак, ә аннан соң шәһәр һәм авыл китапханәләренә тапшырылачак. Сүз уңаенда, китапларны Түбән Камада яшәүче һәркем китерә ала.

«Акциянең максаты - китап укуны пропагандалау һәм китапларга мәхәббәт тәрбияләү. Без кешеләрнең укуларын телибез, без кәгазь китаплар бүләк иткәндә яратабыз. KAMA TYRES хезмәткәрләренә һәм ветераннарга шәһәр һәм авыл халкына матур китаплар бүләк иткәннәре өчен зур рәхмәт!» - дип билгеләп үтте Үзәк китапханәнең баш китапханәчесе Марина Балашова.