Түбән Камада Янгынга каршы федераль хезмәтнең беренче отряды футбол турниры оештырды. Аның җиңүчеләре (дүрт команда) Чакыру кубогында көч сынашты.
Нәтиҗәдә, җиңүне 92 нче янгын-коткару часте егетләре яулады. Икенче урында - 47 нче, өченчедә - 37 нче частьләр.
Янгынга каршы федераль хезмәтнең беренче отряды 1969 елдан бирле Европада иң эреләрдән саналган Түбән Кама нефть-химия гиганты сагында тора. Составына 14 янгын часте кергән отряд күп еллар дәвамында республикада, ә кайбер күрсәткечләр буенча хәтта Россиядә дә алдынгылар сафында.