ВЕРСИЯ ДЛЯ СЛАБОВИДЯЩИХ
Рус Тат
ВЕРСИЯ ДЛЯ СЛАБОВИДЯЩИХ
Түбәнкамалылар бер тоннага якын тотылган кәгазьне икенчел эшкәртүгә озаткан
Табигать һәм без
  • 25 Ноябрь 2019 - 08:40
  • Караулар: 104
Түбән Камада чираттагы «Калдыкларны - керемгә» акциясе тәмамланды.  Акция барышында  бер тоннага якын макулатура тапшырылган, шулай ук  пластик шешә, калай банка һәм целлофан җыелган.

«Күз алдына китерәсезме,  күпме чүп  чүплекләргә түгел,  ә кабат эшкәртүгә озатылды! - ди балалар экология-биология үзәге педагогы Римма Луцкова. - Чарада катнашулары, соңга калган машинаны да сабыр гына көтүләре өчен, барлык кешеләргә рәхмәт белдерәбез.  Акциядә катнаша алмый яки аның турында ишетми калучыларны киләсе чарада катнашырга чакырабыз:  ул Яңа елга  бер атна кала узачак».

Билгеле булганча,  «Калдыкларны - керемгә» акциясен  инде берничә ел  рәттән  «Мобэко» компаниясе белән берлектә экология-биология үзәге үткәрә.

Хата таптыгызмы?
Сүзне яки җөмләне билгеләгез
һәм CTRL + ENTER басыгыз
Текст сообщения*