Түбән Камада «Безнең ишегалды» республика программасы буенча Менделеев урамындагы 1а һәм 1б йортлар ишегалларына капиталь ремонт ясалды. Шатлыклы вакыйганы быел җәй Түбән Камада уза торган күршеләр фестивале кысаларында оештырылган зур бәйрәм чарасы белән билгеләп үттеләр.

Йортларда яшәүчеләр һәм кунаклар өчен мастер-класслар, интерактив уеннар һәм коллективлар чыгышлары оештырылды. Мәйданчыкта шулай ук аниматорлар эшләде, сәламәтлек нокталары һәм сугышчыларыбызга гуманитар ярдәм җыю эше оештырылды. Мотоберләшмә тарафыннан оештырылган мотоцикллар күргәзмәсе нәни кунакларга аеруча ошады.

Тантаналы өлештә проектларны тормышка ашыруга керткән өлешләре һәм ишегалдын үзгәртеп коруда актив катнашулары өчен йорт идарәсе хезмәткәрләренә рәхмәт хатлары тапшырылды. Түбән Кама мэры урынбасары Марина Камелина ишегалларын һәм шәһәрнең үзен яңартуга катнашы булганнарга рәхмәт белдерде:

"Балачагым шушы микрорайонда узды. Минем күңелем аның бүген үзгәрүе, шундый искиткеч ишегалды территорияләре барлыкка килүе өчен шатлана. Хәзер үсеп килүче буынның шартлары бик заманча. Түбән Камада яшәвем белән горурланам”.

Чара «Татарстанда җәй» проекты кысаларында узды.