Бүген һәм иртәгә Санкт-Петербургта Стратеглар форумы уза. Анда  Түбән Кама районының Каенлы авыл җирлеге дә социаль-икътисадый үсеш программасын тәкъдим итте.

2019-2025 елларда  бизнес, ТКХ, мәдәният һәм сәламәтлек саклау өлкәсендә 16 проектны гамәлгә ашыру планлаштырыла. Каенлы авыл җирлеге стратегиясе программасында  -  100 башка исәпләнгән кәҗә фермасы төзү, суүткәргеч челтәрне реконструкцияләү, күп балалы гаиләләр өчен җир кишәрлекләрендә юлларны ремонтлау,  җәмәгать урыннары булдыру, эшмәкәрлекне үстерү һәм башкалар. Тулырак мәгълүматны монда табарга була.



Түбән Камадан тыш, номинациядә тагын ике финалист бар.

Сүз уңаеннан, Каенлы җирлегенә 1918 елда нигез салынган һәм хәзер ул Түбән Кама районында халык саны буенча өченче урында тора. Анда 2 062 кеше яши.