Түбән Кама районы күп кенә икътисадый күрсәткечләр буенча алдынгы урыннарда тора. 2025 ел нәтиҗәләре буенча тулай территориаль продукт 860 млрд сум тәшкил иткән, бу сумма Россиянең кайбер төбәкләренең тулай территориаль продукты белән чагыштырырлык. Бу хакта Татарстан Республикасы Премьер-министры Алексей Песошин катнашында узган район һәм шәһәр Советларының хисап сессиясендә Түбән Кама муниципаль районы башлыгы Радмир Беляев хәбәр итте.

Район башлыгы ассызыклаганча, тышкы чакыруларга карамастан, сәнәгать җитештерүенең уңай индексын саклап калынган - 101%. Төп капиталга инвестицияләр күләме буенча Түбән Кама 200 млрд сумлык нәтиҗә күрсәтеп, республикада өченче урында тора.

Район икътисадына шәһәр төзүче предприятиеләр дә зур өлеш кертә. Алар белән беррәттән җиде сәнәгать паркы уңышлы эшли, аларның гомуми кереме 33 млрд сумга җиткән. Тагын ике шәхси парк чиратта - «Көньяк» һәм «Көнчыгыш», ә киләсе этапка «Түбән Кама» муниципаль паркы әзерләнә. Кече һәм урта эшмәкәрлек субъектлары актив үсә - хәзер аларның саны 7,5 меңнән артык.