Түбән Камада 2021 елда туган 55 нче сабый - Наталия Плотникова туу турында таныклыклы булды. Кызчык Вениамин һәм Наталья Плотниковлар гаиләсендә 9 гыйнварда дөньяга килгән.

Бу хакта инстаграмда үз битендә ГХАТ идарәсе җитәкчесе Бэлла Махотина яза. Шуны да билгеләп үтәргә кирәк, Плотниковлар гаиләсе инде биш кыз үстерә, Наталия - алтынчы кызлары.

Бәләкәчнең авырлыгы - 3990 г, буе – 52 см.



«Быел Түбән Камага 55 ел тула. Яшь һәм перспективалы шәһәр, бездә гаилә кору һәм балалар туу өчен барлык шартлар да тормышка ашырылган, - ди Бэлла Махотина. - 2021 ел әле башлана гына, ә Түбән Камада инде илледән артык сабый дөньяга килде. 11 гыйнварда Түбән Кама районы ГХАТ идарәсе белгече перинаталь үзәккә барып, туу турында 55 нче юбилей язмасын рәсмиләштерде».