Бүген Түбән Камада Бөек Ватан сугышында Җиңүнең 81 еллыгына багышланган «Геройлар юлы буйлап» автомотоузышы узды. Акциягә старт Җиңү монументы янында бирелде, анда тантаналы митинг һәм чәчәкләр салу чарасы узды.

Акциядә шәһәрнең автомәктәпләре, мотоберләшмә һәм патриотик оешмалар вәкилләре катнашты. Митингтан соң 40 тан артык җиңел һәм эре габаритлы автомобильләрдән, шулай ук 30 дан артык мотоциклдан торган колонна шәһәрнең үзәк урамнары буйлап узды.

Аннары автомотоузыш Түбән Кама районының Прости, Елантау, Кармалы, Иске Чишмә, Смыловка һәм Каенлы торак пунктлары буйлап дәвам итте. Аларның һәрберсендә катнашучылар, һәлак булган якташларын искә алу өчен, мемориаллар янында тукталдылар.