Түбән Кама районының Кармалы авылында Кармалы авыл Советы Башкарма комитеты бинасына капиталь ремонт ясалды. Хәзер биредә эшләүче 7 хезмәткәр яңартылган, заманча шартларда эшли алачак. Ремонт кысаларында түбәндәге эшләр башкарылган: электр үткәргечләре тулысынча алыштырылган, плиткалар җәелгән, түшәмнәр яңартылган.

Ремонт ТР Рәисе ярдәме белән мөмкин булды. Түбән Кама муниципаль районы Башлыгының авыл хуҗалыгы буенча ярдәмчесе Альфред Нигъмәтҗанов билгеләп үткәнчә, ремонт өчен 3 миллион сумга якын акча бүлеп бирелгән: "Быел бинага 50 ел тула, бу яңарту күптән сорала иде".