1 гыйнвардан 8 гыйнварга кадәр Танзаниядә Килиманджаро тавына менү белән (5 895 м) Халыкара экспедиция булды. Аның составында Татарстан Республикасы вәкилләре, шул исәптән Түбән Кама районы имам-мөхтәсибе Салих хәзрәт Ибраһимов та бар иде.

Күтәрелү җиде көн дәвам иткән һәм дүрт климат зонасы аша узган: тропик эсседән экстремаль салкынга кадәр. Катлаулы һава шартларына һәм югары йөкләнешләргә карамастан, катнашучылар иң югары ноктага менеп җиткәннәр. 

Килиманджаро тавы башында Салих хәзрәт Татарстан Республикасының Түбән Кама районы флагын куйган.