10 декабрьдән 11 декабрьгә кадәр Казанның Бәшир Рәмиев исемендәге IT-паркында цифрлы грамоталылык буенча «Имин интернет концепциясе» форумы узачак. Катнашуга теләге булган һәркем: мәктәп укучылары, студентлар, педагоглар һәм мәгълүмати технологияләр өлкәсендәге белгечләр чакырыла. 9 декабрьгә кадәр түбәндәге сайтта гариза бирергә кирәк: https://atmrt.ru/forumkbi. 

Форумда катнашучылар ничек үзләренең шәхси мәгълүматларын сакларга, конфиденциаль мәгълүматның таралуына юл куймаска, шулай ук мошенникларның хәйләләренә эләкмәскә кирәклеген беләчәкләр. Спикерлар буларак Россиянең төрле төбәкләреннән мәгълүмати куркынычсызлык өлкәсендә эшләүче җиде эксперт чыгыш ясаячак.

Форумга офлайн да, онлайн да кушылырга мөмкин. Һәр катнашучы үсеш программасын узу турында сертификат алачак.