7 июньдә, «Сабантуй» бәйрәме көнендә, түбәнкамалылар һәм шәһәр кунаклары автобусларда «Ильинка» мәдәни-спорт комплексы мәйданына бушлай барып җитә алачак. Бу хакта Түбән Кама муниципаль районы Башкарма комитеты җитәкчесе Радмир Беляев үзенең телеграмма-каналында хәбәр итте.

Автобуслар 7:00 дән 12:00 гә кадәр «Бызов базары», Халык иҗаты йорты парковкасы, «Рамус Молл» сәүдә үзәге һәм «Пассаж» сәүдә үзәге мәйданчыкларыннан кузгалачак. 7:00 дән 15:00 гә кадәр автобуслар «Якорь» сәүдә үзәгеннән китәчәк.

Мәйданнан шәһәргә соңгы рейс 17:00 дә булачак.

Бәйрәмнең тулырак программасы белән биредә танышырга була.