«Ковер» яшьләр үзәге янында бөтен гаилә өчен «Күрше фест» узды. Бәйрәм кунаклары өчен кайнатма һәм тозланган яшелчәләр фестивале, артистлар белән иҗат кичәсе, шахмат һәм шашка турнирлары, шулай ук мастер-класслар һәм балалар өчен интерактив уеннар әзерләнгән иде.

Шулай ук «Ковер» янындагы мәйданчыкта яшь осталар кулдан эшләнгән картиналар, хуш исле шәмнәр, балчыктан һәм эпоксид сумаладан ясалган бизәнү әйберләре һәм эшләнмәләр тәкъдим иттеләр. 

Кичә ачык һавада фильм карау белән тәмамланды. Фестиваль программасы «Татарстанда җәй» проекты кысаларында әзерләнгән.