Узган ел белән чагыштырганда түбәнкамалылар автомобильләрне яшел зоналарга азрак куя башлаганнар. Түбән Кама муниципаль районы Башкарма комитетының административ-техник инспекциясе баш белгече Регина Николаева уңай динамиканы билгеләп үтте.

Административ-техник инспекция бүлеге белгечләре яшел зоналарда машина кую урыннарын ачыклау буенча рейдлар үткәрә. Хокук бозуларны теркәргә «Ангелы. Айти» программа-аппарат комплексы ярдәм итә. Белгечләр әйтүенчә, атна саен 100-150 транспорт чарасы теркәлә.

Исегезгә төшерәбез: яшел зоналарда машина калдырылгач, газоннарга зыян килә, чүп-чар арта һәм бордюр ташы бозыла.