Kama Tyres шин комплексының «Процесслар фабрикасы» белем бирү мәйданчыгы менеджментның нәтиҗәле коралларын кертү турындагы «Керт. Яхшырт. Трансляциялә» видеороликлар конкурсында җиңүче дип танылды.

Конкурсның максаты — сыйфат белән идарә итүнең заманча методикаларын популярлаштыру, шулай ук катнашучыларга үз эшләренә югары квалификацияле экспертлардан бәя алу мөмкинлеге бирү.

Жюри карары буенча Россиянең төрле төбәкләреннән һәм БДБ илләреннән алты проект җиңүче һәм призер булды. Түбән Кама шинчылары Татарстанның җиңүче дипломына лаек булган бердәнбер вәкилләре булып чыкты.