«Пондера» һәм «НФ Индустри» подряд оешмалары монтажчылары командасы «Балкыш» приюты балаларына һәм хезмәткәрләренә территорияне кардан чистартырга булышты. Ирекле ярдәмчеләр «Түбән Кама Нефтехим»да инвестиция проектларын гамәлгә ашыруга җәлеп ителгән.

Төзелеш мәйданчыгында тыгыз график булуга карамастан, Үзбәкстаннан килгән торбаүткәргеч монтажчылары көрәкләр алырга һәм «Балкыш» балалар һәм яшүсмерләр өчен социаль приют территориясендәге юлларны һәм уен мәйданчыкларын чистартырга ярдәм итәргә вакыт тапканнар.

«Быел кыш кар мул яуды, һәм безгә үз көчебез белән җиңеп чыгу авыр иде. Яңа ел алдыннан мондый ярдәм - кечкенә могҗиза кебек. Балалар инде бәйрәмгә әзерләнәләр, төркемнәрне бизиләр, ә хәзер урамда да чисталык һәм матурлык. Төзүче дусларыбызга зур рәхмәт», - дип билгеләп үтте «Балкыш» приютының административ-хуҗалык өлеше буенча директор урынбасары Марина Колесникова.

Түбән Камада төзелеш объектларында эшләүче подрядчылар даими рәвештә шәһәрнең социаль учреждениеләренә волонтерлар буларак киләләр: кар һәм яфракларны җыештыралар, төзекләндерүдә ярдәм итәләр. Аларның хезмәте металл һәм бетонда гына түгел, ә түбәнкамалыларның хәтерендә дә калачак – тирә-юньдәге дөньяны бераз яхшырак итә торган гади, ихлас гамәлләре белән һәрчак сөендерә бит алар.