KAMA TYRES шин комплексы ата-аналары компания предприятиеләрендә эшләүче талантлы балалар хөрмәтенә традицион бәйрәм үткәрде. Балалар укуда бик яхшы нәтиҗәләр күрсәткән, ә кайберләре төрле дәрәҗәдәге олимпиадаларда һәм ярышларда җиңүче һәм призер булганнар.

Шинчылар скверында балалар өчен мегабоулинг, дартс, пленэр һәм караоке буенча ярышлар, понида йөрү һәм төрле викториналар оештырылды. Шулай ук балалар гигант баскетболда үз көчләрен сынап карый һәм «Аквагрим» станциясендә матурлана алдылар.

«Татшина» ҖЧҖ профкомы рәисе Михаил Кузнецов һәр балага дипломнар һәм бүләк сертификатлары тапшырды. Ул ассызыклаганча, компания үсеп килүче буынның уңышлары белән чын күңелдән горурлана һәм аларның һәр казанышына шатлана.