Рус Тат

22 сентябрь - 52 ел элек Түбән Каманың рәсми рәвештә шәһәр статусы алган көнен билгеләп үтү уңаеннан мөрәҗәгать

Кадерле түбәнкамалылар!


Сезне яраткан шәһәребезнең Туган көне белән чын күңелдән тәбрик итәм. Нәкъ 52 ел элек, 1966 елның 22 сентябрендә Түбән Кама шәһәренә рәсми рәвештә шәһәр статусы бирелде!

Бу безнең барыбызның да - үз көчләре белән Түбән Кама шәһәрен төзүчеләрнең дә, кече ватаныбыз өчен җаваплылык эстафетасын кабул итеп алырга тиеш буынның да уртак бәйрәме.

Тырыш хезмәт, талант һәм иҗади башлангычлар безне Түбән Каманың киләчәк үсешен тәэмин итүдә, аны тагын да көчлерәк, уңайлырак һәм чәчәк атучы шәһәр буларак үстерүдә берләштереп тора! Һәм мин ышанам: уртак көч белән без тагын күп кенә масштаблы һәм перспективалы проектларны тормышка ашыра алырбыз.

Бүген Түбән Камада милләте, дине, яше, белем һәм кызыксынулары төрле булган 237 меңнән артык кеше яши. Һәм без барыбыз да беренче төзүчеләребезнең туган якны яратырга, сакларга һәм аны хөрмәткә лаек эшләребез белән данларга тиешлегебез турындагы васыяте буенча яшибез.

Шәһәрне беренче төзүчеләребез, безгә биредә яшәү, белем алу, балалар тәрбияләү мөмкинлеге бүләк итүегез өчен барлык түбәнкамалылар исеменнән сезгә рәхмәт сүзләремне җиткерәм!
Барлык түбәнкамалыларга игелек, мәхәббәт, иминлек һәм сәламәтлек телим! Шәһәребез мәңге яшь, чәчәк атучы һәм матур булсын, ә анда яшәүче һәркемнең тормышы күңел җылысы, шатлык-сөенечләр һәм киләчәккә ышаныч белән тулып торсын!

Түбән Кама муниципаль районы Башлыгы,
Түбән Кама Мэры
Айдар Метшин


Дата изменения: 24.09.2018 09:52:34
Количество показов: 21

Возврат к списку