Рус Тат
28 Июля 2018
с 10:00 до 13:00
осталось 7 дней

Яңа ел белән котлау

Хөрмәтле түбәнкамалылар!

Бик тиздән,  2017ел җитүен хәбәр итеп, Яңа ел  сәгате сугачак, һәм без тарихыбызның   тагын бер битен  ябып, яңа сәхифәсен ачарбыз.

Узып баручы елны озатканда, хәтердә уелып калган иң якты, иң шатлыклы вакыйгаларны  искә алабыз. Без Түбән Каманың 50 еллык юбилеен лаеклы рәвештә билгеләп үттек, яшәгән урыныбызны төзекләндерү һәм үстерүгә юнәлтелгән күп кенә мөһим проектларны тормышка ашырдык.

Шәһәребез һәм районыбызның елдан-ел үзгәрә баруын күрәбез. Үзгәрешләр -  яхшы якка: яшәү өчен  уңайлы шартлар тудырыла, социаль өлкә һәм инфраструктура үсә, яңа парк һәм скверлар ачыла, сәнәгать предприятиеләрендә яңа, мөһим проектлар гамәлгә ашырыла. Боларның барысына да  уртак тырышлыгыбыз нәтиҗәсендә ирештек, хөрмәтле түбәнкамалылар! Бүген Түбән Каманың  горурлыгы булган барлык уңышларны   сезнең хезмәт һәм талантыгыз аша яуладык.

Кадерле дуслар! Яңа ел – күңелләргә шатлык өләшүче, киләчәккә - өмет, хыялларның тормышка ашуына   ышаныч уятучы иң яраткан бәйрәмебез. Һәрберегезгә нык сәламәтлек, уңышлар, иминлек телим.  Якынлашып килүче 2017ел һәркем өчен яңа ачышлар һәм казанышлар, матур үзгәрешләр  елы булсын, һәр түбәнкамалының гаиләсенә тынычлык, татулык, шатлык  алып килсен, уңышларга юмарт булсын! 

Түбән Кама муниципаль район Башлыгы,

шәһәр Мэры

Айдар Метшин


Дата изменения: 02.08.2017 20:45:12
Количество показов: 548

Возврат к списку