Бу атнада комбайнчылар арасында күчмә кубок - «Союз-Агро» җәмгыятеннән Владимир Копаневта. Соңгы ике атнада ул 1039 тонна ашлык суктырган.
Икенче урында - «Орсис Агро» комбайнчысы Илгиз Рәхимов, ул Владимир Копаневтан бераз гына калыша (978 тонна), өченче урында - «Түбән Кама» агрофирмасыннан Алексей Калеев (897 тонна).
Кубокны, гадәттәгечә, Түбән Кама муниципаль районы башкарма комитеты җитәкчесе урынбасары Альфред Нигъмәтҗанов тапшырды. Ә җирле җырчылар игенчеләргә үзләренең көй-моңнарын бүләк итте.