ВЕРСИЯ ДЛЯ СЛАБОВИДЯЩИХ
Рус Тат
ВЕРСИЯ ДЛЯ СЛАБОВИДЯЩИХ
13 Май 2020
18:30 - 20:30
34 көн калды
Татар һәм рус мәдәни-ял итү мохитен булдыру максатларында грантлар алуга гаризалар кабул ителә башлады
Мәдәният
  • 24 Февраль 2020 - 16:57
  • Караулар: 24

Әлеге бәйге «2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын гамәлгә ашыру кысаларында үткәрелә. Анда Татарстан Республикасының шәһәр җирлекләре территорияләрендә урнашкан мәдәни-ял итү тибындагы учреждениеләр генә катнаша ала. 

Грантлар бирүнең максаты - хәзерге шартларда традицион мәдәниятне үзләштерүгә, саклауга һәм үстерүгә юнәлдерелгән балалар, яшьләр  һәм гаилә иҗаты формаларын камилләштерү.

Акчалата ярдәм Татарстан Республикасы бюджетыннан һәм Татарстан Республикасы муниципаль берәмлекләре бюджетларыннан өлешләп финанслау шартларында күрсәтелә. Проект буенча гомуми смета 120 мең сум тәшкил итә, бүлеп бирелгән грант суммасы – 60 мең сум. 

Гаризалар 2020 елның 15 мартына кадәр түбәндәге Нигезләмәдә күрсәтелгән шартларда кабул ителә: http://mincult.tatarstan.ru/rus/konkurs-na-soiskanie-grantov-ministerstva-kulturi.htm

Адрес: Казан шәһәре, Пушкин ур., 66/33, 205 нче кабинет; Хәйруллина Гүзәл Рәшит кызы, (843) 264-75-04. Гаризаларны электрон рәвештә түбәндәге электрон почта адресына тапшыруыгызны сорыйбыз: irtimkrt@mail.ru.

Хата таптыгызмы?
Сүзне яки җөмләне билгеләгез
һәм CTRL + ENTER басыгыз
Текст сообщения*